ШҚО ТЖД құтқарушылары тек адамдарға ғана емес, сондай-ақ жан-жануарларға да көмекке келеді. Департамент қызметкерлері келеңсіз жағдайларға төрт аяқтылар жиі түсетінін айтады. Бұл жолы " 112 " – нөмеріне қала тұрғыны иттерді құтқару туралы өтінішпен жүгінген.
Кез-келген тіршілік иесінің өмірі маңызды. Ал, жануарлармен жұмыс кезінде ерекше тәсіл қажет. Төрт аяқтыны құтқаруға ШҚО ТЖД "Өрт сөндіру және авариялық-құтқару жұмыстары қызметінің" мамандары аттанған. Төрт ит Ертіс жағалауының астына түсіп, өздігінен шыға алмай қалған. Оларға дер кезінде қайықпен мамандар келіп, жағаға шығарған.