Бүгін Өскемендегі №48-і мектепте орналасқан №78-і сайлау учаскесінде дауыс беру барысы белсенді өтіп, тура белгіленген межеде аяқталды. Сайлау учаскесінің төрайымы Шынар Мажинованың айтуынша, кәмелетке енді толған жастардан бастап мен зейнет жасындағы қарияға дейін, барлығы бір кісідей өз таңдауын жасады. «Түрлі жастағы азаматтардың саяси шарадан қалыс қалмауы қуантарлық жайт»,-дейді сайлау комиссиясының өкілдері. Жалпы, 78-і учаскеге қарасты 53 адам  сайлауға тұңғыш рет қатысты. Оның 11-і нің туған күні дәл осы 10-ы қаңтарға сәйкес келді. Елі үшін де, өзі үшін де осы маңызды күнде саяси таңдауын жасаған жасөспірімнің бірі – Еділ Қибатолдин. Ол бүгінгі күнді көп күткенін және аздап қобалжығанын айтты. Айта кетер жайт, сайлау учаскесінде барлық санитарлық талаптар қатаң сақталды. Сонымен қатар, байқаушылар мен сайлаушылар тарапынан ешқандай шағым болған жоқ