Данияр мен Аяна үйлену тойына дайындықты бастап кетті. Тек бір-ақ мәселені шешу керек. Той ауылда өте ме, әлде қалада ма?

Биографиялық телехикая сюжетінде Қорқыттың дүниеге келуі, балалық шағы, жеткіншек кезінен сәуегей, абыз ретінде қалыптасу жолы көрсетіледі. Телехикая сценарийі әлемдік деңгейде зерттелген «Қорқыт ата» кітабына, атап айтқанда «Салор Қазанның үйінің шабылғаны туралы жыр» желісі негізінде түсірілген.Түсірілім Алматы облысы мен Өзбекстан Республикасының Хиуа қаласында өтті. 4 бөлімнен тұратын туындының тарихи кеңесшісі әрі сценарий авторы – этнограф Берік Жүсіп. Режиссері – Қанағат Мұстафин. Редакторы - Болат Жетекбай. Продюсері – Шолпан Батырбаева. Қорқыттың әр кезеңдегі рөлдерін Дінислам Нұрмағамбет, Әділ Ахметов және Айдос Бектемір сомдайды. Сонымен бірге негізгі тарихи рөлдерде Еркебұлан Дайыров, Зарина Кармен, Медғат Өмірәлі ойнап шықты. Сериалда қырғыздың атақты манасшысы Рысбай Исақов пен танымал актері Аскат Сулаймановтың рөлдері бар.

Гүлназ – шетелде білім алған студент. Оқуын тәмамдап, елге оралады. Жігіті Диас екеуі жазда үйлену тойын өткізуді жоспарлап қойған еді. Алайда күтпеген жерден Диастың опасыздығын көріп, оған ашуланып, ауылда тұратын әпкесінің үйіне кетіп қалады. Ернат – ауылда мал дәрігері. Оқуды қызыл дипломға бітірген білімді жігіт. Ол Гүлназбен тез тіл табысып кетеді. Құда бала мен құдаша қыздың арасында басталған қарым-қатынас уақыт өте келе нәзік сезімге ұласады. Отбасылық комедияда Самалдың (Гүлназдың әпкесі) адуынды қайын әпкесі Бекзаттың, Ернатқа тұрмысқа шыққысы келетін ауылдағы дәрігер қыз Балнұрдың, құдаша қыздан дәмесі бар ауылдың сері жігіті Дәулеттің де қызықты хикаялары қатар өрбіп отырады. Рөлдерде: Ақнұр Рахат, Қуаныш Құдайберген, Досжан Жанботаев, Гүлжамал Қазақбаева, Бекзат Жүнісов, Әйгерім Уалжанова, Нышанбек Жұбанаев, Диас Мырзахмет, Динара Сунақ, Сафуан Шаймерденов, Жұлдызай Дүйсенбиева және т.б.

Телехикаяда Мағжан Жұмабаев өмірінің 1915-1921 жылдар аралығындағы кезеңі қамтылған. Орынборға келуі, Омбыдағы мұғалімдер семинариясында оқып жүрген шағы, Сәкен Сейфуллинмен достығы, Қызылжар мұғалімдер курсының оқытушысы Гүлсім Камаловаға ғашық болуы суреттеледі. Тарихи драмада ақынның замандастары Міржақып Дулатов пен Сәбит Мұқановтың бейнелері де бар.

Телехикаяда Алаш қайраткері Міржақып Дулатұлы өмірінің 1909-1935 жылдардағы кезеңі қамтылады. Міржақыптың «Оян, қазақ!» кітабының жарыққа шығуы, «Бақытсыз Жамал» романының жазылуы, революциядан кейінгі жылдардағы, ашаршылық кезіндегі қоғамдық-саяси қызметі, Қызылорда, Семей, Мәскеудің әйгілі «Бутырка» абақтысындағы жылдары және жан жары Ғайнижамалмен махаббат хикаясы сериалда кезек баяндалады.