11-18 қараша аралығында Астанада 30 құзыреттілік бойынша республикалық WorldSkills Kazakhstan-2024 IX Республикалық кәсіби шеберлік чемпионаты өтті. Жас дарындар сайысына елдің түкпір-түкпірінен 550 үміткер қатысты. Олардың арасында Өскемендік өрендер де бар. Бүгін ел біріншілігінің жүлдегерлерін туған-туыстары, жерлестері қарсы алды.
Білім бәйгесіне облыс құрамасы 27 бағыт бойынша бақ сынады. Өңір жастары ел біріншілігінде екі алтын, бір күміс, екі қол жүлде иеленді.Аймақ құрамасы кәсіби шеберлік чемпионатына тыңғылықты дайындықпен барған.
Республикалық кәсіби шеберлік чемпионатына қатысып, жүлдегер атанған жастарды Өскеменде туған-туыстары, жерлестері қарсы алды.
WorldSkills-2024 байқауы - жұмысшы мамандықтардың маңыздылығын арттыруға, жаңа инновациялық жобаларды жүзеге асыруға жол ашатын алаң.