Риддерде жылыту маусымына дайындық жұмыстары қарқынды. Әлеуметтік маңызы бар нысандар, тұрғын үйлер ретке келтіріліп жатыр. Тозығы жеткен құбырлар алмастырылып, қатты отынмен қамту ісі де оңды жолға қойылған. Ауданда атқарылып жатқан жұмыстар жайлы әріптесім тарқатсын.
Жылыту маусымына дайындық жұмыстарын қала халқы өздері де жүргізіп жатыр. Төртінші ықшам аудандағы тұрғын үйде анықталған бірқатар олқылықтар түзетіліп, жөндеу жұмыстары ойдағыдай жүргізілген.Жалпы бұл көпқабатты үйде 100 пәтер бар. Көпқабатты үйдің тұрғындары жөндеу жұмыстарына түгелдей ат салысқан.
Ал, Семенова көшесінде орналасқан үйдің тұрғындары қызу жұмыс үстінде. Мұнда баспананың шатыры мен жертөлесі ретке келтірілді, құбырлар жаңарды.
Риддердегі нысандарды жылумен қамтитын мекемелердің дайындығы толық тексерістен өтіп жатыр. Арнайы шаралар жоспары да бекітілген.