Риддерліктер Конституция күні кең ауқымда атап өтті. Мерекеге орай мемлекеттік тілді тегін оқытатын 5 орталық ашылды. «Мектепке жол» акциясы қорытындыланды. Атаулы күн қазақстандық эстрада жұлдыздарының қатысуымен өткен концертпен түйінделді.
ШҚО әкімі Ермек Көшербаевтың тапсырмасымен өңірде мемлекеттік тілді үйретітін 100 орталық ашу көзделген. Игі бастама Риддерде іске асырылуда. Мұнда бес бірдей орталық ашылды. Мекеме керек-жарақпен толық қамтылған.
Риддерде бір ай бойы «Мектепке жол» республикалық акциясы өтті. Акция аясында жергілікті атқарушы органдардың өкілдері көп балалы және аз қамтылған отбасыларға мектеп қажетті оқу құралдарын табыстады.
Көпбалалы аналар көрсетілген көмек үшін өз алғыстарын білдірді.
Кеншілер қаласындағы мерекелік шара концерттік бағдарламамен жалғасын тапты. Қала тұрғындары үшін орталық алаңда жергілікті шығармашылық ұжымдар, ШҚ мен Абай облысынан арнайы шақырылған қонақтар өнерт көрсетті. Ал кештің жарық жұлдызы қазақстандық эстрада әншісі Жігер Ауыпбаев. Концерттік бағдарлама риддерліктерге керемет көңіл-күй мен ұмытылмас эмоция сыйлады.