Облыстық ТЖД Өскемен әуежайында өрт-тактикалық оқу-жаттығу жиынын өткізді. Оған әуежайдың мемлекеттік емес өртке қарсы қызметінің, өрт сөндіру және авариялық-құтқару жұмыстарының мамандары мен Апаттар медицинасы орталығының қызметкерлері қатысты.
Оқу-жаттығудың жоспары бойынша әуежайда ұшақ қозғалтқышының істен шығуына байланысты бортта жолаушылары бар апатқа ұшыраған ұшақ қонады деп күтілуде. Әуе кемесі қонған кезде апаттық-құтқару қызметтері лезде келді. Төгілген авиаотынның ықтимал жануына байланысты қауіпті азайтып, эвакуация жолдарын қорғау үшін ұшу-қону жолағында көбік төкті. Сондай-ақ, ұшақ қонған кезде жолақ бойымен тараған жанып жатқан өртті сөндіру пысықталды.
Ұшақтағы жолаушылар мен экипаж қауіпсіз жерге эвакуацияланады. Оларға апаттар медицинасы орталығының мамандары алғашқы медициналық көмек көрсетті. Оқиға орнында психологтар жолаушылармен жұмыс істеді.