Көкжөтел ауруының эпидемиологиялық жағдайы

Аймақта көкжөтел ауруы өткен жылмен салыстырғанда жиілеп тұр. Жыл басынан бері 14 жасқа дейінгі 115 бала осы жұқпалы дертке шалдыққан. Әсіресе, 1 жасқа толмаған сәбилердің арасында ауру көрсеткіші жоғары. Бұл туралы өңірлік коммуникациялар алаңында өткен брифингте облыстық санитарлық-эпидемиологиялық бақылау департаменті мамандары айтты.

Облыста көкжөтелмен ауырғандар саны артқан. Дәрігерлердің бұлай деп дабыл қағуының себебі бар. Былтыр небәрі 3 науқас тіркелсе, биыл бұл көрсеткіш 16 пайызға артып, 117 жағдай расталған.

Жаңа туған сәбилерді көкжөтелден қорғаудың бірден-бір жолы – вакцинация. Өкінішке қарай, екпе алмаған балалар арасында аурушаңдық басым. Мәселен, көкжөтелге шалдықты деп ресми түрде тіркелген 145 баланың 93-і екпе алмаған. Себептері әртүрлі: медициналық қарсы көрсетілімдер, екпе жасына жетпеу, не ата-ананың бас тартуы.

Облыс бойынша 1 жасқа дейінгі балалардың 83%-ы ғана вакцина алған. Бұл жеткіліксіз, себебі қауіпті аурулардан қорғану үшін ұжымдық иммунитет керек, деген мамандар уақытылы екпе алудың маңыздылығын тағы бір мәрте еске салды.