Өскеменде жолдарды қардан тазалау жұмысы қарқынды жүргізіліп жатыр. Коммуналды кәсіпорын қызметкерлері күшейтілген жұмыс тәртібіне көшкен. Өйткені өңірде соңғы 3 тәулік бойы қар жауып тұр. Облыс орталығындағы жолдарды аршуға 80-нен астам арнайы техника жұмылдырылған.
Ережеге сәйкес, ең алдымен, қалада кептеліс болмас үшін көлік көп жүретін жол учаскілері тазаланады. Бұдан кейін вокзал маңы, жаяу жүргіншілер және әлеуметтік нысандарға апаратын жолдар, аялдамалар қардан аршылады. Тұрғындар мен көліктердің қауіпсіз қозғалысын қамтамасыз ету үшін қар тазалау жұмысы үздіксіз жүргізіліп жатыр.
Жолға көктайғаққа қарсы материалдар төгіліп жатыр. Жергілікті билік өкілдерінің мәліметі бойынша, жалпы қаладағы жағдай бақылауда. Техника бара алмайтын аумақтарда қар қолмен күрелуде.
Әлбетте, бүкіл қаланы бірден қардан толығымен қардан тазартып шығу мүмкін емес. Сондықтан, коммуналды кәсіпорын өкілдері халықтан түсіністік танытуды сұрайды. Сондай-ақ тұрғындардан арнайы техниканың қарды тазалауына кедергі келтірмес үшін көлікті тұраққа талапқа сай қою қажеттігін ескертілді.