Буллингке қарсы тың бағдарламаны іске қосты
С.Аманжолов атындағы ШҚУ-дың мамандары мұғалімдерге және психологтарға арналған біліктілікті арттырудың авторлық әзірлемесін дайындады. Оқу әдістемесі зорлық-зомбылықтың, кәмелетке толмаған балалар арасындағы буллингтің алдын алуға бағытталған. Қазақстан Республикасының Оқу-ағарту министрлігімен мақұлданған.
Ұлттық денсаулық сақтау орталығының статистикасына сүйенсек, әрбір бесінші жасөспірім буллингтің құрбаны. Сондықтан бұл бағдарлама осы мәселені шешуге негізделген.
Бірінші лектегі курсқа Ақмола облысындағы санаториялық үлгідегі «Жұлдыз» орта-мектеп интернатының 10 мұғалімі қатысты. Болашақта курстарымыздың «географиясы» кеңейе береді деп сенемін, — деді жоба авторларының бірі Юлия Кукина.
Курсты қашықтықтан оқуға да мүмкіндік бар. Бұл тек ШҚО педагогтерін ғана емес Қазақстанның әр түкпіріндегі педагог мамандарды өзекті, жаңартылған біліммен қамтамасыз етуге мүмкіндік береді.