«Қолжетімді интернет» жобасы аясында өңірде 170 Starlink спутниктік интернет желісінің 142-сі орнатылды. Енді жоғары жылдамдықты интернетке қол жеткізген көптеген ауылдық мектептер Илон Масктың спутнигі арқылы жұмыс істей бастайды.
Белоусовка бастауыш мектеп-балабақшасында өткен жылы Білім алушылардың білім жетістіктеріне мониторинг кезінде төмен нәтиже байқалған. Төртінші сынып оқушыларының білімін бақылау үшін оқушылар мен мұғалімдер мектепке өздерінің модемдерін әкелген. Биыл мектеп алғашқылардың бірі болып жаңа қондырғыны іске қосты.
Спутниктік антенналарды орнату кезінде қиындықтар Ресей және Қытаймен шекаралас ауылдарда орналасқан мектептерде пайда болған. Білім ордаларында интернет желісін орнату Республикалық ғарыштық байланыс орталығынан және Starlink өкілдерінен ресми түсініктеме алғанға дейін тоқтатылды, дейді мамандар.
Starlink қазірде сапасы жағынан алда тұрған желілердің бірі. Оның жылдамдығы 120 Мбит/с және одан жоғары болуы мүмкін. Сондай-ақ, оны іске қосу жолы да жылдам.