Күн, жел және судан өндірілетін энергияны көбейтуіміз керек. Бар станцияларды жаңарту қажет. Бірақ ол түпкілікті мәселені шешпейді. Сондықтан, өте үлкен қуат беретін атом энергетикасын дамытуымыз керек дейді сарапшылар. Өскемендегі Үлбі металлургия зауытында ашық есік күні өтіп, мамандар көпшілікті атом электр станцияларына арналған уран отынының өндірісімен таныстырды. Бүгінде кәсіпорында 4000-нан астам жұмысшы еңбек етеді. Ал кәсіпорын мамандары уран өнідіру ісімен 70 жылдан бері айналысып келеді.