Жол жөндеу жұмыстары қарқынды

Өңірде жарияланған «Жол жылы» аясында республикалық және облыстық маңызы бар күре жолдар жөнделіп жатыр. Бастама аясында Ұлан ауданы, Таврия ауылындағы автожол ретке келтірілді. Өскемен-Семей арасындағы жолды жөндеу жұмыстары аяқталуға таяу. Бұл бағытқа 1,7 млрд қаражат бөлінген.

Қазіргі уақытта аталған учаскеде құрылыс-монтаж жұмыстары жүргізілуде. Жөндеу жұмыстары маусым айында басталған. Жоспар бойынша 15-ші қазан күні аяқталады, дейді жауапты мердігер.

Өскемен-Семей бағытындағы 48-66 шақырым жол бөлігіндегі жөндеу жұмыстары соңғы рет 2016-2018 жылдар аралығында жүргізілген көрінеді. Құрылыс алаңында 50-ге жуық техника мен 70-ке жуық азамат жүр.

Жоба аясында қолға алынған аймақтағы іргелі жұмыстар әлі де жалғасын табады. 2025-2027 жылдар аралығында Өскемен-Семей бағыты бойынша орташа жөндеу жұмыстарын жүргізу жоспарланған.