Рождество мерекесіне орай облыстық филармония сахнасында «Big Band» джаз оркестрінің концерті өтті. Мерекелік кеш көпшілікке ерекше демалыс сыйлады. Жанды тербетер жағымды әуендер үлкен-кішінің бірдей көңілінен шықты.
Бас дирижер Александр Адамовтың жетекшілігімен өнер көрсеткен оркестр көрермендерге ерекше көңіл-күй сыйлады. Концертте орындалған әрбір шығарма мерекенің шығу тарихынан сыр шертеді.
Концертте Қазақстанның еңбек сіңірген әртісі Вячеслав Ткач пен республикалық, халықаралық байқаулардың лауреаттары Әсем Рыспаева, Юлия Юрочкина,Арника Байбусынова өнер көрсетті.
Тұрғындарды ғажайып күйге бөлеп, ерекше әсер қалдырған думанды кеш жоғары деңгейде өтті. Сахнада орындалған әр туынды көрерменнің көңілінен орын тауып, ыстық ықыласына бөленді.