Өскемен қаласының тұрғыны «Сәтті Жұлдыз» лотереясына қатысып, пәтер ұтып алды. Лотерея жеңімпазы мен оның отбасы үшін бұл үлкен қуаныш. Әріптестерім де бағы жанған жанмен сұхбаттасып, қуаныштарымен бөлісіп қайтты.
Қала тұрғыны Павел Сарафанов екі жыл қатарынан лотерея билеттерін сатып алып, түрлі ұтыстарға іліккен көрінеді. Бірақ, пәтер ұтып аламын деген ой үш ұйықтаса түсіне кірмеген. Ол бұл жаңалықты естігенде төбесі көкке бір елі жетпегенін айтады.
Павелдің жұбайы Галина Сарафанова күйеуінің жеңімпаз атанғанына бастапқыда сенбеген. Алғашында ұялы телефонға хабарлама жеткенде Павел қуаныштан телефонын құлатып алған көрінеді. Бұл жаңалықты естіген олар бірден туған-туыстары мен жақындарына хабарласқан.
Кез-келген адам ұтысқа қатысып, жеңімпаз атана алады. Ол үшін «Сәтті Жұлдыз» АҚ-ның алты бөлімшесінің бірінен лотерея билетін сатып алып, «YouTube» желісінен тікелей трансляцияларды бақылап отыру жеткілікті. Мұнда апта сайын бағалы сыйлықтар мен пәтер ұтысқа тігіледі.
Сату жөніндегі кеңесші Ирина Цириготи лотереяға қатысқан қатысушылардың көбі сыйлықсыз құр қайтпайтынын жеткізді. Лотереяға қатысқан азаматтардың барлығы ұтыстың шынайы екенін айтады.