- Абай атындағы Шығыс Қазақстан гуманитарлық колледжінде колледж оқытушыларына арналған «Құмаш Нұрғалиев-халық ұстазы» атты республикалық ғылыми-практикалық конференция өтті. Биыл тағдыр тәл¬кегіне қарсы тұра білген асыл ұстаздың дүниеге келгеніне 100 жыл.
Құмаш Нұрғалиев 1925 жылы Марқакөл ауданы, Боран ауылында дүниеге келген. Республикалық ғылыми-практикалық конференцияда елдегі ең мықты кәсіптік білім беру бағытында қызмет ететін оқытушылар бас қосты. Шараның мақсаты-Құмаш Нұрғалиевтің еңбек жолын дәріптеп, өскелең ұрпаққа жеткізу.
Білім – қоғамның қозғаушы күші, сондықтан жас ұрпақты тәрбиелеуде заманауи технологияларды меңгеру аса маңызды.
Бүгінгі қоғам үшін Құмаш Нұрғалиев сынды елдегі білім саласының дамуына сүбелі үлесін қосқан тұлғалардың ұлықталуы маңызды. Оның теңдесіз мұрасы, еңбек жолы әліде зерттеуді қажет етеді, дейді конференцияға қатысушылар.
Ғылыми конференцияға әйгілі тұлғаның қызы, Гүл Құмашқызы онлайн форматта қатысты. Ол әкесі туралы тың деректер жинақталған арнайы веб-сайттың іске қосылғанын айтты. Бұл сайтта Құмаш Нұрғалиұлы жайлы естеліктер жинақталған.