15-наурызда басталған Өскемен аруы-2025 байқауы өз мәресіне жетті. Байқаудың қортынды кезеңінде арулар өз өнрелерін ортаға салып, білім сайысында бақ сынасты. Сұлулық пен даналықтың, өнер мен талғамның тоғысқан алаңына айналған байқау көпшіліктің есінде ерекше сәттермен қалды.
Сайысқа қатысушылар қазақи нағышта тігілген киім үлгілерін көрсетіп, өз өнерлерін ортаға салды. Шараның мақсаты – ұлттық құндылықтарды дәріптеп, салт-дәстүрлерді өскелең ұрпаққа жеткізу. Қорытынды есеп бойынша Зинаида Бектемірова «Өскемен аруы» атанды. Ол Ақтөбе қаласының тумасы. Шығыс Қазақстан облыстық драма театрының актрисасы.
Байқауға қатысушылардың жас ерекшелігі 21- 35 жас аралғыныдағы қыз-келіншектер. Ал бойының ұзындығы 165 см-ден жоғары болуы керек. Бұдан бөлек арулар қазақ тілін, мәдениетін және салт-дәстүрін жақсы білуі шарт.
Байқау Өскемен қаласы әкімінің қолдауымен ұйымдастырылған. Бас жүлде 1 млн теңге. Ақтық сынға өткен басқа қатысушылар да құр қол қайтпады. Әр аруға 100 мың теңгенің сертификаттары табысталды.
«Өскемен Аруы» – жай ғана сұлулық байқауы емес. Бұл – әртүрлі саладағы қыз-келіншектерді біріктіретін, олардың сан алуан қырын ашуға мүмкіндік беретін игі шараға айналды. Ұйымдастырушылар бұл бастама келер жылы да жалғасын табатындығын айтты.