Биыл Республикалық қоғамдық бірлестік «Ауыл» партиясының құрылғанына 25 жыл. Атаулы күнге орай саяси ұйымның аймақтағы филиалында кеңейтілген жиын өтті. Жиынға депутаттар, ардагерлер, саяси кеңес мүшелері және белсенді жастар қатысты.
Кеңейтілген отырыста партияның ауыл шаруашылығын дамытудағы рөлі, қожалық иелері мен кәсіпкерлерге көрсетілетін қолдау шаралары талқыланды. Ардагерлер жағы саяси ұйымның 25 жыл ішінде жеткен жетістіктеріне тоқталды.
Жиын барысында партияның жастар қанаты өкілдері де сөз сөйледі. Олар білім беру, кәсіпкерлік және ауылдағы жастар белсенділігін арттыру бағытында ауқымды жұмыс жүргізіліп жатқанын айтады.
Жиын соңында қатысушылар ауыл шаруашылығын дамыту мен жастарды ауылға тарту бағытында маңызды қадамдарды айқындап, жаңа жобаларды жүзеге асыру қажеттігін атап өтті.