Құрмат Рахимов – Ұлы Отан соғысының ардагері, қайсарлық пен ерліктің үлгісі. 101 жасқа келген майдангер әлі де тың, жас ұрпаққа ақыл-кеңесін айтып отырады. Ғасыр жасаған ардагер Астанадағы Жеңістің 80 жылдығына арналған әскери шеруге қатыспақ.
Құрмат Рахимов 18 жасында майданға аттанған. Ол Литва мен Беларусьелін, Кенигсбергті азат етуге қатысты. II дәрежелі,"Құрмет" орденімен, «Ерлігі», «Жауынгерлік еңбегі», «Кенигсбергті алғаны», «Германияны жеңгені үшін» медальдарымен марапатталған. Соғыстан кейінгі жылдарда ішкі істер саласында қызмет етті. Ізінен ерген әріптестері жиі жүздесіп тұрады. Бүгінде ардагер Астанада өтетін шеруге дайындалып жатыр.
Жасы ұлғайғанына қарамастан жуырда соғыс ардагері өзінің туған жері Күршім ауданына барып қайтты. Майданға аттанған бозбала шағы әлі күнге дейін қарияның есінде. Жерлестері ардагердің ерлігіне тағзым етіп, аудандық мектептен кадет сыныбын ашқан.
Ардагер қоғамдағы жаңалықты қалт жібермейді, жастарға ақыл кеңесі мен өмірден түйгенін айтып отырады. Қазыбек би көшесіндегі көпқабатты үйдің қабырғасында майдангердің муралы бейнеленген.