Өскеменде өрт кезіндегі қауіпсіздік ережелері туралы мультфильм көрсетілімі болды. Балаларға арналған туындыны алғашқы болып «Үміт» «Үміт» арнаулы әлеуметтік қызметтерге мұқтаж балаларды қолдау орталығының тамашалады. ШҚО ТЖД мамандары бұл туындыны түсіруге бастамашы болса, «Казцинк» компаниясы қаржылай қолдау көрсетті.
Бұл облыстық ТЖД мен «Казцинк» компаниясының алғашқы бірлескен жобасы емес. Осыған дейін олар жер сілкінісі болғанда қандай әрекет жасау керектігі туралы мультфильмдер сериясын дайындаған болатын. Бұдан бөлек, компания көпбалалы аналар мен аз қамтылған отбасыларына өрттің алдын алуға арналған 10 мың дабыл датчиктерін сыйға берген.
Тентек пен Айя өз көрермендеріне қыс мезігілінде өздерін ұстау, жер сілкінісі болғанда және суға шомылу маусымында тиісті ережелерді басшылыққа алу керектігін үйретті.
Мультфильмнің басты кейіпкерлері – бұзық бала Тентек пен оның тілалғыш досы Айя. Олар әртүрлі қауіптерге тап болады. Сондықтан төтенше жағдай кезінде өзін қалай дұрыс ұстау керектігін айтады. Мультфильм сценарийі балалар қауіпсіздік сабақтарын оңай меңгеруі үшін басты кейіпкерлердің іс-әрекеттері арқылы түсіндіруді ұтымды пайдаланылған.
Мультфильмді алғашқы болып, «Үміт» балалар үйінің тәрбиеленушілері тамашалады. Өз әсерлерімен бөлісіп, өртті алдын алу туралы мамандар дәрісін тыңдады.
Мамандардың айтуынша, жаңа мультфильм облыстың барлық оқу орындарында, ал болашақта республика көлемінде көрсетілуі мүмкін. Жоба балалардың жас кезінен қауіпсіздік мәдениетін қалыптастыруға бағытталған.