«Таза Қазақстан» акциясы аясында өскемендік оқушылар мен еріктілер ормандағы жануарлар мен құстарға қамқорлық танытты. Олар өз қолдарымен құстарға ұя жасап, жемсауыттар ілді. Шараны Өскемен қалалық білім бөліміне қарасты «Оқу-зерттеу экобиоорталығы» ұйымдастырды.
Бобровка орманшылығында ұйымдастырылған экологиялық-орнитологиялық акцияға өскемендегі бірнеше мектептің оқушылары қатысты. Шараны ұйымдастырушылар облыс орталығында құстардың 100 ден астам түрі, ал облыс бойынша олардың саны 500 ге жуық екенін айтады.
«Таза Қазақстан» акциясы аясында өткен шара оқушылардың бойында экологиялық мәдениетті қалыптастыруға жол ашады.
Ұйымдастырушылардың айтуынша мұндай шаралар өңірде одан әрі жалғасады.