Риддердегі жаңа аурухананың құрылыс жұмыстары жыл соңына дейін аяқталмақ. Жаңа нысан бір ауысымда 500 адамға қызмет көрсетуге қауқарлы. Бұдан бөлек, мұнда 200 орындық стационар орналасады.м Естеріңізге сала кетейік, бұған дейін Мемлекет басшысының тапсырмасы бойынша нысанды салуға 28 млрд. теңгеден астам қаржы бөлінген болатын. Бұл «Заңсыз сатып алынған активтерді мемлекетке қайтару туралы» заң аясында қайтарылған қаражат.
Аурухана кешенінің ашылуы демографиялық жүктемесі жоғары моноқалалар үшін маңызды. Риддер халқының саны 55 мың. Оның 22%-дан астамы алпыс жастан асқан тұрғындар.
Жаңа көпсалалы кешеннің ауданы 40 мың шаршы метрді құрайды. Аурухана заманауи медициналық құрал-жабдықтармен толығады. Жоспар бойынша 500 – ден астам маманды жұмыспен қаму көзделген.