Өскемен арнайы әлеуметтік қызмет көрсету орталығында қарттар үшін қажетті жағдай жасалған. Орталықта білікті мамандар жұмыс істейді. Олар қарияларға барынша қамқорлық танытып, қоғамға белсене араласуына ықпал етеді.
Қазір орталықта 114 адам қызмет алады. Оларға тәулік бойы күтім жасалып, медициналық бақылау жүргізіледі. Мұндағы мамандар әр қызмет алушыға ерекше ықыласпен қарап, жылы қарым-қатынас орнатуға тырысады.
Мұнда жайлы өмір сүруге қажеттінің барлығы бар. Орталықта жөндеу жұмысары жүргізіліп, заман талабына сай жиһаздар қойылған.
Орталықтағы азаматтарға әлеуметтік, медициналық, психологиялық және мәдени қызметтер көрсетіледі.
Бұл орталық – қарттар мен мүмкіндігі шектеулі жандарға арналған жай ғана мекеме емес, мейірім мен жанашырлықтың мекені. Мұнда әрбір тұрғын қамқорлық пен қолдауға ие.