Өскеменде май зауытының құрылысы басталуы мүмкін. Жаңа кешен жылына 30 мың тонна рафинадталған май мен 3 мың тонна лецитин өндіруге мүмкіндік береді. Бұл туралы қала әкімі Алмат Ақышов Өңірлік коммуникациялар қызметінде өткен брифингте айтты. Шаһар басшысы қаланы дамытуға бағытталған жобаларды таныстырып, атқарылған жұмыс жайлы айтты. Әріптесім Бекарыс Секен жалғастырады.
Қазір қаланың бас жоспары әзірленіп жатыр. Оған сай қала құрылысы шамамен 3 мың гектарға кеңейді. Қаланың бірнеше аумағында жол жөнделіп, қоғамдық кеңістіктер пайда болады. 36 учаске аббаттандырылып 30-ға жуық аула жаңартылады.
Ауылшаруашылығы, тұрғын үй құрылысы мен жылу желілерін жаңғырту саласында да жақсы динамика байқалады. Мәселен қазір 12 мың шақырым жылу желісін жаңғырту жоспарланып отыр. Бұл жұмыстың шамамен жартысы «Тарифті инвестицияға айырбастау» жобасы аясында жасалады.
Бүгінде қаланың әлеуметтік-экономикалық жағдайын жақсартуға бағытталған бірқатар жобалар әзірленіп жатыр. Қала әкімі бұл жұмыстар кезең-кезеңімен жасалатынын атап өтті.