Аймақ басшысы Нұрымбет Сақтағановтың қатысуымен кезекті жиын өтті. Жиында «Таза Қазақстан» экологиялық акциясы талқыланды. Сондай-ақ аймақты абаттандыру, жарықтандыру мәселелері де сөз болды. Толығырақ әріптесімнің сюжетінде.
Жиынға қала, аудан әкімдері мен басқарма басшылары қатысты. Өткен жылы бастау алған «Таза Қазақстан» экологиялық акциясы биыл да жалғасын табады. Былтыр өңірде осы акция аясында «Таза бейсенбі», «Таза Аймақ» және «TazaLike» шаралар жоспары бекітіліп, жыл бойы тұрақты түрде сенбіліктер ұйымдастырылды. Аймақ басшысы Нұрымбет Сақтағанов «Таза Қазақстан» акциясының маңыздылығын атап өтті.
Жиында Өскемен қаласының әкімі Алмат Ақышов облыс орталығын абаттандандыру және көгалдандыру жұмыстарына тоқталды. Қар тазалау жұмыстары мен жолдарды күтіп ұстау, жөндеу, көшелерді жарықтандыру бойынша мағлұмат берді. Өз ұсынысын да айтты.
Жиын соңында аймақ басшысы Нұрымбет Сақтағанов көктемгі су тасқынның алдын алу жұмыстарын күшейту керектігін айтты. Аудан басшыларына бірнеше тапсырма жүктеп, оның уақытылы орындалуын қатаң бақылауда ұстайтынын ескертті.