Шекарада қоныстанған ауылдарды дамытудың нақты нәтижеге құрылған әр облыста кешенді бағдарламасы болуы тиіс.Сонда ғана алыс аулдардағы көш-қон тоқтап, ел шеті жалаңаш қалмайды.Бұл ұлттық қауіпсідік мәселесі екенін айтақан Президент үкімет пен облыс әкімдеріне қайтадан құрылған шекаралық аудандарды дамыту бойынша нақты тапсырма жүктеді. Ал шығыстағы елдің ең шетіндегі Шанағаты ауылының қазіргі тіршілігін әріптестеріміз де арнайы барып көріп келді.
Елу градус аяз болса да мұндағы ел өз ауылын тастап ешқайда көшкісі жоқ. Қазір Шанғатыда 20 түтін отыр.Бірнеше тұрғын орман шаруашылығында еңбек етеді.Негізгі күнкөріс көзі мал.
Жол деп отырғаны сорап із ғана.Қыста Алтайдың ақ бораны апталап соққанда сыртпен байланыс үзіледі. Жарық та болмай қалады.
Ойрат Шекақов осы ауылда туып-өскен. Күннен энергия алатын құрылғыны жеке шаруашылығы есебінен алған. Қазір жылқы өсіреді. Ауыл шекараның сақшысы дейді.
Көшіп келіп жатқандар да бар.Былтыр ауылға екі отбасы келіп қоныстанған. Ал қарағайдан қиып салынған ескі мектепте қазір бес оқушы бар.
Шанағатыдағы жоғарғы сынып оқушылары көрші Төсқайың ауылындағы мектеп-интернатта оқиды.Биыл жазда екі ауылдың ортасындағы жол жөнделмек.
Жол мен жарық және телефон байланысы реттелсе басқа мәселе жоқ.Елдің шетінде, шекараның күзетшісіндей шағын ғана Шанағаты ауылы осылай бұйғы тіршілік ете бермек.