Елде есірткі қылмысына қарсы күресті күшейту мақсатында заңнамаға өзгерістер енгізілді. 2024 жылдың 27 желтоқсанында Қазақстан Республикасының Президенті заңсыз есірткі айналымына қарсы іс-қимыл мәселелері бойынша жаңа заңға қол қойған болатын. Ол 2025 жылдың 3 наурызынан бастап күшіне енді.
Енді есірткі бизнесін ұйымдастырушылар мен өндірушілер үшін жаза күшейтілді. Олар 15 жылдан 20 жылға дейін немесе өмір бойына бас бостандығынан айырылуы мүмкін.
Ал есірткіні белгіленген орынға жеткізушілердің басым бөлігі жастар. Сондықтан ел үкіметі мұндай қылмысқа барған оларды түзелуге ынталандыру үшін жазаны жеңілдетіп, ертерек бостандыққа шығуға мүмкіндік беріп отыр. Бұл түрмеде отырған азаматтардың санын азайтуға да ықпал етеді.
Тәртіп сақшылары жиын соңында аймақ тұрғындарын бекітілген заң талаптарын қатаң сақтауға шақырды.