Өскеменде шайбалы хоккейден әйелдер арасында VI қысқы спартакиада мәресіне жетті. 26 наурыздан басталған байрақты бәсекеге елдің әр өңірінен келген бес команда қатысты. Мұз айдыны шеберлерінің сайысына әріптестерімде барып қайтты.
Спартакиада аясында ұлттық құрама сапында өнер көрсететін спортшылар іріктелді. Дүбірлі додаға 17 облыс пен Астана, Алматы, Шымкент қалаларынан келген командалар қатысты. Турнир аясында хоккейден бөлек шаңғы қоссайысы, фристайл, сноуборд, керлинг, биатлон, мәнерлеп сырғанаудан жарыс өтті.
Әйелдер арасындағы хоккей турнирінің қорытындысы бойынша жүлделі үшінші орынға Алматы облысының құрамасы ие болды. Ал, Шығыс Қазақстан облысының құрамасы чемпиондық атақ үшін Алматы қаласының командасымен кездесу өткізді. Алғашқы ойында екі команда тең нәтижемен тарқасқан болатын. Дегенмен, үшінші айналымда алматылықтар басым түсіп, қарсыластарынан айласын асырды.Қорытынды есеп 3:1.
Хоккей турнирінде үздік ойын өрнегін көрсеткен спортшылар жекелеген номинациялар бойынша марапатталды. Қарағанды облысының ойыншысы Варвара Арабская «Үздік қақпашы» атанды. ШҚО құрамасының мүшесі Татьяна Фокина «Үздік шабуылшы» деп танылды. Ал «Үздік қорғаушы» алматылық Алина Иванченко.