Глубокое ауданында «Бір қабатты Шығыс» бағдарламасын жүзеге асыру жалғасуда. Биыл тағы да бірқатар отбасылар баспаналы болады. Олардың арасында кезекте тұрғандар, халықтың әлеуметтік осал топтары мен көп балалы отбасылар бар.
«Бір қабатты Шығыс» бағдарламасының арқасында көптеген тұрғындар өз баспаналарын алды. 2020 жылдан бастап Глубокое ауданында 73 пәтер сәтті салынған болатын. Ал биыл 48 пәтер салынуда. Осы жобаның арқасында жүздеген мұқтаж адам көптен күткен баспанасының кілтін алды. Бұл үйлердің әрқайсысы шаруашылық жүргізуге арналған 20 сотық учаскемен жабдықталған. Үйлер көп балалы отбасылар мен халықтың әлеуметтік осал топтарына беріледі.
2023 жылы «Бір қабатты Шығыс» жобасы шеңберінде 20 үй салынған болатын. Оның 7-еуі Белоусовка, Бобровка, Веселовка, Прапорщиково және Черемшанка ауылында. Ал биыл Глубокое ауданының Перевальный ауылында көтеріліп жатқан 3 үйдің құрылысы аяқталуда.
Құрылыс жұмыстарын жақын арада аяқтап, қыркүйек айында азаматтарға кілттерді табыстау жоспарланған. Сондай-ақ, жаңа үйлердің маңында жолдарды асфальттап, тротуарлар төселмек. Көшелерді жарықтандыру жұмыстары да шет қалмайды.