Осыдан 30 жыл бұрын Қазақстан Республикасының Ата заңы қабылданды. Басты құжат азаматтардың құқықтары мен бостандықтарының басты кепілі. Ол тек мемлекеттің ғана емес, бүкіл қоғамның құндылығы. Әрбір азамат оны құрметтеп, қорғауға міндетті. Қазақстан Республикасы Конституциясының мерейтойына орай жер-жерлерде салтанатты шаралар ұйымдастырылуда. Соның бірі Ұлан ауданы Қасым Қайсенов кентінде өтті.
30 жыл ішінде Ата заң бірнеше рет өзгертілді. Бұл өзгерістер саяси жүйені жетілдіруге, мемлекеттік басқарудың тиімділігін арттыруға негізделді. Мерейтойға орай аудан орталығында өткен шараға халық көп жиналды. Аудан басшысы Арман Бекбосынов өзінің жылы лебізін білдірді.
Арман Бекбосынов, Ұлан ауданының әкімі:
Мемлекетпен қоғамның орнықты дамуына жол ашқан коституция экономикалық даму және халықтың әл-ауқатын артуын қамтамасыз етіп келеді. Ата заңды қастерлеу әр азаматтың асыл парызы. Ата заңымыз алдағы уақытта да мемлекетіміздің саяси, экономикалық табысты дамуының айнымас кепілі болары сөзсіз.
Бұл күні түрлі салада аянбай еңбек еткен бірқатар маманның еңбегі еленіп, марапатталды. Ел игілігі үшін жауапкершілік жүгі жоғары мемлекеттік қызметке орналасқан жас мамандар салтанатты түрде ант қабылдады.
Бұдан бөлек аудан экономикасының даму қарқыны мен әлеуметтік салада қол жеткізген табысты жобалар легі таныстырылды. Халықтың әл аухатын жақсартуға бағыталған игі бастамалар одан әрі де өз жалғасын таппақ.
Анар Серғазина, Ұлан ауданы ішкі саясат бөлімінің басшысы:
Ата заңымыздың 30 жылдығы аясында аудан көлемінде барлық ауылдық округтерде осындай түрлі шаралар әртүрлі форматта өткізілуде. Өткенде Тарғын ауылдық округінің дәрігерлік амбулаториясына мердігеріміз автокөліктің кілтін ұсынды. Ауылдық клубқа аппаратурасын берді.
Бағлан Қасымов, кент тұрғыны:
Облысымызды, районның халқын осы еліміздің Конституция күнімен шын жүректен құттықтаймын. Отбасыларына береке-бірлік тілеймін. Еліміз аман болсын деймін. Осындай шаралар жиі болып тұрсын деймін. Еліміздің іргесі аман болсын.
Ата заңның 30 жылдық мерейтойына арналған салтанатты шара аудан өнерпаздарының концерттік бағдарламасымен жалғасын тапты.
Салтанат Кеңесбекқызы