Облыста «Бірқабатты Шығыс» бағдарламасы табысты жүзеге асырылуда. Әлеуметтік жағынан тиімді жобаның шарапатын көріп, баспаналы болғандар қаншама?! Бұл жоба аясында салынған үйлер әсіресе көпбалалы отба¬сы¬лар¬ға, әлеуметтік осал топтағы аза¬маттарға үйлестіріліп беріледі. Әр ауданда жүзеге асырылып жатқан бағдарлама Тарбағатай ауданында да қарқынды жүргізілуде. Жыл соңына дейін 68 отбасы қоныс тойын тойлайды.
Алмагүл Шайкина көпбалалы ана. «Бірқабатты Шығыс» бағдарламасы бойынша салынған тұрғын үй кілтін былтыр қолына алған. Жаңа баспанада тұрып жатқанына бір жыл болды. Барлығына дән риза. Көңілі тоқ.
Өткен жылы Тарбағатайда «Бірқабатты Шығыс» бағдарламасы бойынша 27 тұрғын үй салынып, пайдалануға берілген.
Салынып жатқан тұрғын үй құрылысын бірнеше мердігер компания жүзеге асыруда. Солардың бірі - «МҚС Олжа» ЖШС. Осыған дейін бірнеше ауданда бағдарлама бойынша баспана салған олар жұмысты кестеге сай аяқтауды жоспарлап отыр.
Аудан орталығы Ақжарда салынып жатқан қаз қатар тізілген тұрғын үйлер кілті жыл соңына дейін кезек күткен отбасыларға табысталады.