Париж Олимпиадасының чемпионы Елдос Сметов Өскеменге келді. Ел мақтанышын облыс орталығындағы әуежайда жанкүйерлері ыстық ықыласпен қарсы алды. Дзюдошының Париждегі жеңісі талай өреннің осы спорт түріне деген қызығушылығын арттырды.
Өскеменде дзюдомен 1200-ден астам бала айналысады. Олимпиада чемпионы Елдос Сметов табысқа жету үшін спортшыға ең алдымен қажет деген үш қасиетті ерекше атады. Ол еңбекқорлық, тәртіп пен жеңіске деген табандылық.
Жергілікті жас дзюдошылар Елдос Сметовпен кездесуге ерекше ықылас танытты. Жас спортшы Аңсар Әсихан осындай кездесуден кейін болашаққа деген үміті мен сенімін нығайтты, ерекше әсерімен бөлісті.
Мансұр Теміров үшін Елдос Сметовтың жетістіктері шабыт көзіне айналды. Бұл кездесу арманындағы спортшыны көрудің мүмкіндігі болды.
Өңірде спортты дамытуға көп көңіл бөлінеді. Сптортшымен облыс әкімі Ермек Көшербаевта кездесті. Аймақ басшысы Елдос Сметовты Олимпиада ойындарында жеткен жеңісімен құттықтап, спорттық мансабын жоғары бағалайтынын айтты. Кездесу соңында дәстүрге сай спортшының иығына шапан жапты.