Oskemen IT Hub-та «Pizza pitch» стартап жобалар байқауы өтті. Мұнда инвесторлардың назарына жастардың ең мықты IT бастамалары таныстырылды. Шарасының мақсаты – өңірдегі IT саласын дамытып, тың идеяларға қолдау көрсету.
Өскемендік Шығыс Мағауия бұл шараға тыңғылықты дайындықпен келген. Ол әскери қорғаныс, жергілікті жердегі бағыт-бағдарды айқындауға арналған жобаны әзірлеген. Жоба жасанды интеллект арқылы жұмыс істейтін көрінеді.
«Oskemen IT-Hub» – өңірде ақпараттық технология индустриясын дамытуға арналған инновациялық орталық. Оның мақсаты IT- жобаларды әзірлеу әрі оны дамыту, салаға қажетті мамандарды даярлау.
Байқау жеңімпаздары бағалы сыйлықтармен марапатталды. Шара аясында жоба ұсынғандар нарыққа шығу жолы, бизнеске инвестицияны тартуға қатысты білімдерін жетілдіреді. Ары қарайғы жұмыстарына да қолдау көрсетіледі.