Тәжірибе алмасу – кәсіби қажеттілік. Ертіс телеарна қызметкерлері осы орайда Алтай телеарнасына тәжірибе алмасуға келді. Мақсат – өңірлік БАҚ-тар арасындағы байланысты нығайтып, мамандар арасында білікті кадрлар даярлау. Алтай арнасының ұжымы керекулік әріптестерімізді керемет көңіл-күйде қарсы алды.
Сапар барысында «Ертіс» телеарнасының мамандары «Алтай» арнасының ғимаратында болып, мекеменің материалдық-техникалық базасы және жұмысымен танысты. Медианың жай жапсарына қанық маман «заман озған сайын телевизия саласы да тез дамып келеді». Ақпарат беру стилі күн сайын жаңарып отыр. Сондықтан осы тәжірибе алмасу қос тарапқа да пайдалы» дейді Ертіс телеарнасының директоры Жұмабек Сманов.
Медиа саласы үздіксіз ізденісті талап етеді. Сондықтан телерадиокорпорациядағы өңірлік телеарналарыдың тәжірибе алмасуы ақпарат беру ісіне серпіліс берері анық. Бұл аймақ филиалдарының арнасынан шығатын материалдардың сапасын одан әрі жақсартатыны сөзсіз.