ШҚО ТЖД және Полиция департаменті тұрғындар жаңа жылды қауіпсіз өткізу үшін өңірлік коммуникациялар қызметінің алаңында брифинг өткізді. Брифинг барысында пиротехникалық заттарды дұрыс қолдану мен мереке барысында тәртіп сақтау ережелері айтылды.
Жаңа жыл мерекесіне санаулы ғана күндер қалды. Бұл орайда қауіпсіздік ережелерін ұмытпаған жөн. Жоғары сұранысқа ие болған отшашулар мен жаңа жылдық декорлар адам өміріне қауіпті болуы мүмкін. Шыршаны дұрыс орналастыру, және оны қауіпсіз заттармен безендіру барысында арнайы ережелерді ескеру керек.
Пиротехникалық заттарды заңсыз сатуға қатаң тыйым салынған. Жарылғыш заттарды сертификациядан өткен аранайы дүкендерден сатып алу керек. Отшашуларды қолданар алдында ғимараттар мен басқа да объектілерден 50 метр қашықтықта ұстау керек. Айта кеткен жөн, 2023 және 2022 жылдары облыс бойынша пиротехниканың әсерінен туындаған өрт фактісі тіркелмеген. Ал 2018 жылы отшашуларды дұрыс қолданбау салдарынан көпқабатты үйлерден екі өрт шыққан.
Жаңа жылды асыға күткен өскемендіктерге құлаққағыс. Серификацияланған пиротехникалық заттарды қаланың бірнеше сауда кешендерінен сатып алуға болады. Ол Виноградов көшесіндегі сауда үйлері және Мызы көшесіндегі базар мен Әуезов көшесіндегі сауда кешенінен алуға мүмкіндік бар.