Өскеменде қазақ тіліндегі дубляжбен «Моана 2» анимациялық фильмі аз қамтылған, көпбалалы отбасылар мен ерекше қажеттіліктері бар балаларға тегін көрсетілді. Тынық мұхиты аралындағы шытырман оқиғаны баяндайтын мультфильм бүлдіршіндерге қандай әсер сыйлады?
Туындыны тамашалауға келген балалардың қуанышында шек жоқ. «Юбилейный» кинотеатрының ең үлкен залында «Моана 2» мультфильмінің премьерасын тамашалауға 700-ге жуық көрермен жиналған.
Мультфильмде басты кейіпкер Моана мен оның адал серігі Мауидің қызықты оқиғалары баяндалады. Ұйымдастырушылар осындай көрсетілімдердің жиі өткізіліп тұрғаны дұрыс, дейді.
Аталмыш туынды Disney кинокомпаниясы өз қаражатына қазақша дубляждаған екінші анимациялық фильм.