Алтай ауданы Серебрянск қаласындағы 97638 әскери бөлімінде Отан алдындағы борышын өтеген 70 сарбаз үйлеріне қайтты. Бір жыл бұрын әскер қатарына шақыртылған сарбаздар бүгінде Отан қорғау ісінің қыр-сырына қанығып, құрыштай шынықты. Олар осы аралықта әскери мамандықты игеріп, жауынгерлік даярлықтан өтті. Оқу-жаттығуларға қатысып, түрлі жорықтарға шықты. Әртүрлі қару түрлерінен ату дағдыларын үйренді.