Өңірде техникалық және кәсіптік білім беру мекемелерінің студенттері үшін «Саналы ұрпақ» облыстық жастар слет-форумы ұйымдастырылды. Шараның мақсаты – жастар арасында парасаттылық пен адалдық қағидаларын насихаттап, сыбайлас жемқорлыққа қарсы мәдениетті қалыптастыру.
Форумға облыстық білім беру ұйымдарының өкілдері, студенттер мен сала мамандары қатысты. Шара барысында «Саналы ұрпақ» клубының белсенді мүшелері марапатталып, олардың жыл бойы атқарған жұмыстары қорытындыланды. Сыбайлас жемқорлыққа қарсы іс-қимыл Агенттігінің ШҚО бойынша департаментінің превенция басқармасының бастығы Архат Бейсембаев бұл шараның маңыздылығына тоқталды.
Форумда студенттерге сыбайлас жемқорлыққа қарсы мәдениетті қалыптастырудың маңызы түсіндірілді.
Салтанатты шара аясында студенттер «Саналы ұрпақ» клубының қатарына қабылданып, арнайы төсбелгілермен марапатталды. Шара соңында ауыспалы «Адалдық» кубогы үздік қатысушыларға табысталды.