«Аяз ата, Ақшақар-2024» фестивалі Глубокое ауданында жалғасты. Мерекелік шара «Алтай Альпі» тау шаңғысы базасында өтті. Қазақстанның түкпір-түкпірінен қатысушылар жиналып, тұрғындарға жаңа-жылдық көңіл күй сыйлады.
Шарада екі жүзге жуық Аяз ата мен Ақшақар жиналды. Фестиваль қонақтары уақыттарын қызықты, әрі көңілді өткізуі үшін әртүрлі шаралар ұйымдастырылды.
Мерекелік шараға отбасымен келіп қатысып жатқан жандар да бар. Солардың бірі - Абылай Жадырасинов пен Гүлнұр Нұрсұлтанова. Олар Ақтөбе қаласынан арнайы келген.
Фестиваль ертең Өскемендегі Сол жағалау саябағы аумағында жалғаспақ. Онда Аяз ата резиденциясының салтанатты ашылуы болады. Ал, кешкі мерекелік бағдарламада Аяз ата мен Ақшақар қатысатын облыстың бас шыршасының шамдары жағылады.