Жаңа жыл қарсаңында облыстық драма және оперетта театры солистері көрермен назарына әлемге әйгілі танымал композитор Иоганн Штраустың «Жарқанат» опереттасын ұсынды. 19 ғасырда дүниеге келген туынды өз дәуірінің бірегейі. Әлемдік үздік музыкалық қойылымдардың бірі. Әр әртіс өз рөлін тамаша сомдады. Көрермен жүрегніне жол таба білді. Жиналған халық сахна саңлақтарын ыстық ықыласпен қарсы алды.
Бұл театр әртістерінің «Жарқанат» опереттасын екінші мәрте көрерменге ұсынуы. Музыкалық қойылым нақты бір оқиғаға негізделген. Екі адам арасындағы диалогты, ішкі жан толғанысты әнмен де жеткізген әртістер өз рөлдерін тамаша сомдады. Бастысы олардың өнеріне баға беретін патша көңілді көрерменнің ықыласына бөленді.
Сахнада берілген рөлді шынайы сомдау үшін асқан шеберлік қажет. Күлесің, жылайсың, қуанасың, қайғырасың. Сондықтан адамның ішкі толғанысын шынайы жеткізе білу оңай шаруа емес. Әр рөл, әр диалогтың сәтті шығуы табанды еңбектің нәтижесі.
Өнерпаздар алдағы уақытта көреремен назарына өзге де тың туындыларды ұсынбақ. Ол келер жылдың еншісінде.