Мейрам салтанаты облыс орталығында ауқымды өтетіні белігілі. Республика алаңында дәстүрге сай жаңа жылдық концерт ұйымдастырылды. Қала тұрғындары мен қонақтары ертегі әлеміне енгендей күй кешті. Түрлі кейіпкерлер, көтеріңкі көңіл-күй мейрам көркін қыздырды.
Әдеттегідей жиналған жұрттың қарасы қалың. Барлығы жылына бір болатын атаулы күнді айрықша тойлауда. Әсіресе, Мемлекет басшысының құттықтауынан кейін думан ары қарай тамаша атмосферада жалғасты.
«Жаңа жылды қалай қарсы алсаң, жылды солай өткізесің» осы бір сөзге сенер болсақ, өскемендіктер үшін 2025 жыл жарқын сәттерге, қызыққа толы болмақ. Мерекені бас алаңда тойлауға келгендер көп. Әуезді ән, жергілікті өнерпаздардың шашулары мен ойындар тұрғындарды баурап алды. Ең бастысы азаматтардың көңілінен шыққан. Өз әсерлерімен қуана бөлісіп жатты.
Шақырылған қонақтар көрерменге өз тартуларымен келді. Ал, бишілер ырғақты билерімен көпті қуантты. Әлбетте, кеш соңы қала көгін түрлі-түске бояған керемет отшашумен аяқталды.