Облыс орталығында шағын футболдан турнир өтті. Бас демеуші «КazLider» холдингі. Бұл турнир жылда өткізіліп тұрады. Сондықтан, доп додасы жоғары деңгейде ұйымдастырылды, дейді жарыстың басы-қасында жүргендер.
Тартысты өткен турнирдің мақсаты-салауатты өмір салтын насихаттау, жастарды спортпен айналысуға ынталандыру. Жыл сайын өтетін жарысқа биыл алты команда қатысып, бақ сынасты.
Бұл сайыс қызметкерлердің бірлігін нығайтып, денсаулық пен достықтың жарқын үлгісін көрсетті. Алты команданың ішінде осалын анықтау оңай болмаған. Барлығы кәсіби спортшылардан кем өнер көрсетпеді.
Жарыс соңында жеңімпаз командаға кубок табысталды. Бұдан бөлек әр шепте үздік атанған ойыншыларға жеке жүлде тағайындалды. Жеңіс тұғырынан көрінгендерге арнайы сыйлықтар мен мақтау қағаздары табысталды.