Қыстың көркі – қар, қызығы – сырғанақ. Облыс орталығындағы мұз айдындарының қаншалықты қауіпсіз екенін анықтау мақсатында ШҚО ТЖД полиция қызметкерлерімен бірге рейд жүргізді. Рейд барысында балалар мен ата-аналарға сақтық шаралары түсіндіріліп, қауіпсіздік ережелері жайлы ақпараттық парақтар таратылды.
Қыс мезгілінде тұрғындардың көбі демалу үшін жабдықталған сырғанақ алаңдарына емес, қауіпті орындарды таңдайтыны жасырын емес. Демалушылар қауіпсіздік ережелерін сақтамай, салғырттық танытады. Нәтижесінде түрлі жарақат алып жататын жағдайлар да жетерлік. Осы тұста ТЖД мамандары арнайы ережелерге бағынуды ескертеді.
Мамандар жарақат алған жағдайда «112» арнасына хабарласу керектігін еске салады.