Жылдың ең үздік әскери қызметшілері анықталды. Байқауды ҚР Қорғаныс министрлігі ұйымдастырды. Үздік атанғандар қатарында ҚР Қарулы Күштерінің «Шығыс» Өңірлік өолбасшылығына қарасты Халық қаһарманы Қасым Қайсенов атындағы 27943 ә/б әскери қызметшілері де бар.
Үздіктер 24 номинация бойынша марапатталды. Марапат иегерлері арасында 27943 әскери бөлімі командирінің тәрбие және идеологиялық жұмыстар жөніндегі орынбасары Азамат Жұмағазиев та бар. Ол Қарулы күштер қатарында 20 жылдам астам уақыт қызмет етіп келеді. «Әскер тарланы» байқауының жеңімпазы атанғаным менің ғана емес, әріптестерімнің де жеңісі дейді.
Бұл байқауда аталған әскери бөлімнің барлау ротасының командирі Руслан Мақсұт «Темір тұлпар сардары» номинациясының иегері атанды. Ол Қызылорда облысының тумасы. 2021 жылдан бері Халық қаһарманы Қ. Қайсенов атындағы 27943 ә/б қызмет етіп келеді. Әскери техниканың тілін жетік меңгерген. Байқау жеңімпаздары дипломдармен, бағалы сыйлықтармен марапатталды.