Өскемен қаласының әкімі Алмат Ақышов Согра шағын ауданына да барды. Жиында тұрғындар бірқатар өзекті мәселелерді көтеріп, өздерін толғандырған сұрақтарына жауап алды.
Жинында Согра тұрғындары қала әкіміне жол, жарық, саябақтарды абаттандыруға қатысты сауалдарын жолдады. Шаығн аудан азаматтары жарықтың жиі сөніп қалатынына наразылықтарын білдірді. Ал мамандар бұл шара жоспарлы жөндеу жұмыстарын жүргізу салдарынан орын алатындығын айтады.
Аталған мәселені шешу үшін шағын аудандағы Городская көшесінде ағымдағы жөндеу жұмыстары жоспарланған. Алдағы уақытта бірқатар көшелерде көше жарығы қалыпқа келтірілмек. Саябақтар абаттандырылады. Бұдан бөлек жиында мұсылмандар зиратына жер бөлу және мешіт салу мәселесі көтерілді.
Биыл Сограда көше жолдарына орташа жөндеу жұмыстарын жүргізу көзделген. Бұл бастама аудандағы өзге аумақтарда да іске асырылмақ. Үлбі өзені арқылы өтетін көпір ретке келтірілмек.
Тұрғындармен өткен кездесуден кейін қала әкімі азаматтарды жеке мәселелері бойынша қабылдап, толғандырған сұрақтарына жауап берді.