Аймақ әкімдігіндегі тағайындаулар
Облыс әкімі Ішкі саясат басқармасының жаңа басшысын тағайындады. Басқармаға басшы болып Ернұр Бурахан тағайындалды. Ол әр жылдары ШҚО әкімінің, Еңбек және халықты әлеуметтік қорғау министрлігінің, «Самұрық-Қазына» жылжымайтын мүлік қорының баспасөз хатшысы, Ақтөбе облысы әкімі аппараты басшысының орынбасары қызметтерін атқарған. «Qazaq radiolary» ЖШС-нің бас директоры лауазымдарында қызмет еткен. 2023 жылдан бастап осы уақытқа дейін Шығыс Қазақстан облысы әкімінің кеңесшісі қызметін атқарды. Сондай-ақ, Ермек Көшербаев Самат Қасеновті облыстық Мәдениет басқармасының басшысы етіп тағайындады. Ол 2006 жылдан бастап Шығыс Қазақстан тарихи-өлкетану музейінің тарихи-мәдени мұра бөлімінде қызмет еткен. 2013 жылдан бері Мәдениет басқармасының мәдениет және өнер басқармасында жұмыс істеген. Кейін басқарма басшысының орынбасары, бүгінге дейін міндетін атқарушы қызметін атқарды.