Шығыс Қазақстан зағиптар мен көзі нашар көретін азаматтардың арнаулы кітапханасында Республика күніне орай «Елдіктің берік тұғыры» атты танымдық шара өтті. Шараға Өскемен қаласының мектеп оқушылары қатысты. Олардың назарына ел тарихы мен мәдени мұрасына арналған викториналық сұрақтар, интерактивті тапсырмалар және шығармашылық қойылымдар ұсынылды.
Тәуелсіз Қазақстанның дамуының негізгі кезеңдері басты назарда. Студенттер ел тарихындағы айтулы оқиғалар мен оның жетістіктерін көрсететін шағын баяндамалар мен презентациялар дайындады. Шара ашық микрофон форматында өтті. Кез келген адам Отан туралы өлең оқып, ел болашағына қатысты ойларымен бөлісті.
Елена Захарова, Шығыс Қазақстан облыстық зағиптар мен көзі нашар көретін азаматтардың арнаулы кітапханасының кітапханашысы:
Біз оларға сөз береміз, Қазақстанның болашағын талқылаймыз. Алатау қаласының келбетін қалай елестететіндіктері туралы пікірлерін білеміз. Сондай-ақ бейне викторина болады. Онда еліміздің әр өңіріндегі көрікті жерлер көрсетіледі. Балалардан фотосуретте не бейнеленгендігін баяндап берулері керек.
Интерактивті тапсырмалар студенттер үшін қызықты ақпаратқа қанығуға мүмкіндік берді. Қазақстанның мәдени-тарихи ескерткіштері туралы сұрақтарға жауап беріп, өз білімдерін ортаға салды.
София Павлияненко, оқушы:
Викторинаға қатысуды жоспарлап отырмын. Біз дайындалдық. Қазақстанның танымал жерлерін зерттедік.
Ұйымдастырушылар мұндай шаралар жастарға патриоттық тәрбие беріп қана қоймай, студенттердің коммуникативті және интеллектуалдық қабілеттерін дамытуға септігі мол, - деді.
Салтанат Кеңесбекқызы, Ирина Санникова